Kalitate onean eskuratzeko:
Aurretik egindako lana gogoratuz, lehenengo inguruaren ikerketaren ondorio den topografiaren eraldaketa planteatu nuen, inundabilitateari erantzunez. Ondoren topografia berri horretan kokatzen den arkitektura jarrai bat planteatu zen.
Puntu honetan, eremuaren eskakizunen eta beharren inguruan bueltaka ibili ondoren, proiektuak forma berri bat hartu du, aurrekoarekin konparatuz ez oso desberdina, baina azkoz globalagoa eta tokiko beharrei erantzu berriak ematen dituena.
Arkitektura jarrai berri horren ideia, oso argia zen, eremuan zehar doan zoru eta zabai jarraia. Ondoren azaldutako behar berriak ikusirik, arkitektura berriaren ideia horrek izan dezaken, eta izan behar duen malgutasun aukerak ikusi ditut. Ezaugarri desberdinei egokituz.
Lehenik, pertsonen ibilbidearen inguruan aritu nintzen. Ea denak eraikinaren albotik igarotzea egokia zen pentsaka. Bestalde, hasieran hartutako, ibilggailurik gabeko kanpina egitearen erabakia kuestionatzen hasi nintzen.
Horren emaitza, proiektuak beste ibilbide bat eta horrela beste ardatz nagusi bat izatea da. Nolabait, ibilbide publikoago eta pribatuago bat. Horretarako, egungo errepidearen azpiegitura aprobetxatu dut. Bide publikoago hori egiteko. Bertan, instalazio minimo batzuk jarriz, udaran, kanpinaren karabanak eta furgoneten gunea agertuko da.
Ideia horretan, proiektuaren bi puntu esanguratzu berri agertu dira, bi ibilbideak gurutzatzen diren guneak hain zuzen ere. Lehenengo gurutzapena, eremu osaren sarrera da. Puntu berdinean, elementu berdin batean, bi izaera desberdinak nabaritzen hastea izan da helburua.
Bigarren gurutzapena, hondartzara doan ibilbidean bihurtuko da, elkargune izaera duen gune bat sortuz.
Saturraranerako proposatutako arkitektura berri honen izaera pribatuena diseinatzeko, hainbat erabaki hartu ditut. Baso eskolaeta kanpinaren programa, instalakuntza minimoetan diseinatu dut, eta inguruko eremuak eta naturak, eskola eta kanpinaren espazio nagusiak izatea da ideia. Eraikinean, programaren parte pribatuenak, ikasgelak, komunak.. bi zatitan banatu ditut, eta erdialdean, publikoagoa den gune hamankomun bat, gela multifuntzionala izango litzatekeena.
Horren ideia, bizitza publikoena eta denok batera egiteko jarduerak, eraikinaren bihotzera eramatea da. Banaketa hau, gainera, eremuan zehar dagoen landareria azterturik egin dut. Izan ere, zuhaitzek bi alde pribatuenen pribatutasuna bermatzen dute. Bestalde, bide publikotik joatean, ikuspegi guztia, eskolaren espazio publikora ematen du.
Izaera pribatuagoa duen bide horretan, bideak pribatutasun mailaren arabera, eraikinetik aldendu edo hurbildu egiten da, landareriak agertaraziz eraikinaren eta bidearen artean gune pribatuenetan, eta gune publikoetan elkartuz. Eta gela guztietara sartzeko bidea, eraikinaren atzean gelditzen da.
0 comentarios:
Publicar un comentario